Бизнесга харажатлар
Сотиш учун бизнесни яратишда унга минимал керакли даражадаги пул харажат қилинади. Кўпчилик операциялар аутсорсерларга берилади ва минимал асосий воситалар паст баҳоларда сотиб олинади.
Бизнесни сотиб олиш учун келган ҳар бир киши тизимни сотиб олишни истайди. Шунинг учун бизнесни сотишда харидорга бизнес тизим асосига қурилганини ва ушбу тизим фойда беришини кўрсатиш керак.
“Соғин сигир” шаклидаги анъанавий бизнес инвестицион ўзига жалб қилувчи эмас. Чунки унинг бухгалтериясида ўйланмаган жойлар бўлади ва ҳужжатларда максимал даромад кўрсатилмаган бўлади. Кўпчилик ҳолларда сотиш учун мижозлар базасидан ташқари яна бренд ҳам яратилади. энг асосийси катта даромад қоғозларда кўриниши керак.
“Сотиш учун” бизнесдаги жиддий хатолар
“Сотиш учун” бизнесни қураётиб жуда кўплаган хатолар қилиш мумкин ва бунда ҳақиқатан ҳам фойдали бизнес потенциал ҳаридорларни ўзига жалб қилмай қўйиши мумкин.
Айниқса бу молиявий кўрсаткичларни бухгалтерия ҳужжатларида аниқ кўрсатмасликка алоқадордир. Бизнес фақат даромад келтирибгина қолмасдан, у бухгалтерия ҳужжатларида кўрсатилиши ҳам керак. Чунки корхона «соғин сигир» тарзида қурилган ва қоғозларда унинг қарзи кўплиги ёзилган бўлса, масалан, дастлабки даврларда бизнес эгаси корхонага “таъсисчининг қарзи” сифатида пул киритган бўлса ва ҳозирда ушбу қарз аллақачон ёпилган бўлса ҳам ҳужжатларда катта қарз кўрсатилган бўлса, ҳатто фойдали бизнес ҳам потенциал харидорларни ўзидан итариши мумкин.
Бундай бизнесн исотиш қийин бўлади: чунки харидорлар ушбу қарзни тўлашдан қочишади. Қайта қуриш эса жуда қимматга тушади: ушбу қарзларни тўлаш учун ҳужжатлар бўйича катта даромад ўтказиш ва улардан солиқларни тўлаш керак бўлади.
Бошқариш муаммолари
Юқорида айтилгандай, кўпинча, бизнес унинг эгасининг атрофида айланади. Эгаси бизнесдан чиқиши билан у бузилиб кетади. Баҳони ташкил қилиш ва асосий мижозларга маҳсулот етказиб беришин фақат хўжайин билиши, оқ-қора бухгалтериянинг майда-чуйдалари фақат унга аёнлиги маълум бўлиб қолади, етказиб берувчилар билан муносабатларнинг ўзи катта мавзу: сифатсиз маҳсулотни аниқлашни фақат тажрибали бизнесменгина қила олади. Эгаси бўлмаганда бизнеснинг боши берк кўчага кириб қолишининг бундан бошқа яна ўнлаган ҳолатлари бўлиши мумкин.
Табиийки, барча бошқариш қарорларини фақат унинг ўзи қабул қилган корхонани сотмоқчи бўлса, бунинг умуман иложи бўлмайди ёки ўта арзонга сотишга тўғри келади.