Ҳеч кимга айтилмайдиган яна битта сир …
Сизга эслатишимиз керак бўлган яна битта муҳим нарса бор. Бизнесда муваффақият мижозларнинг эҳтиёжларига мослашиш ва уларга қулай бўлишига боғлиқдир (бу ерда гап ҳайдаш керак бўлган ноқулай мижозлар ҳақида эмас, балки мижозларга хизмат кўрсатиш ҳақида). Сизнинг вазифангиз – мижозларга сизнинг компаниянгизни топиш, керакли ҳамма маълумотларни олиш ва буюртма беришнинг максимал қулай усулини тақдим қилишдир.
Бу шундаям аниқку дейишингиз мумкин. Бу гапда, аслида эса – йўқ. Эсалаб кўринга, кейинги пайтларда мижоз сифатида бирор нарса сотиб олмоқчи бўлганингизда бу ерда мижозга тупуришларига неча марта гувоҳ бўлгансиз? Албатта, бу жуда бўрттирилган ҳолат, лекин сиз ҳамиша хизмат кўрсатишдан, унинг сифатидан, ходимларнинг мулойимлигидан қониқиш ҳосил қиласизми? Ишонманки, ҳамиша эмас.
Яна битта ҳолат бор: ҳар битта одам уникалдир ва биттаси учун қулай бўлган нарса иккинчиси учун ноқулай бўлиши мумкин!
Масалан, кимдир нақд пул билан, яна кимдир пластик карта орқали, бошқа биров банк орқали, яна кимдир эса электрон пуллар билан тўлашни исташади. Агар сиз ушбу пул тўлаш усулларининг бирортасини чеклаб қўйсангиз, мижозингизни йўқотасиз ва улар маҳсулотни рақобатчингиздан сотиб олишади.
Шунинг учун сиз мижоз бориши мумкин бўлган кўплаган йўлларни қуришингиз ва унга иложи борича қулай бўлишига эришишингиз керак. Тасаввур қилинг, сизнинг бизнесингизга одамларни жалб қилишнинг 15 хил усули мавжуд бўлса ва мижозлар 10 дан ортиқ усуллар билан пулни тўлай олишса, ҳамда мижозларга маълумотларни етказиб беришнинг 20 та усули қўлланилса, қандай бўларди?
Бу сизнинг бизнесингизга кўпроқ мижозларни жалб қилишга ёрдам берган бўлармиди? Албатта!
Бу қўшимча харидлар сонини оширармиди? Албатта!
Бу сизга рақобатчиларингиздан устунлик берармиди? Албатта!
Буларнинг ҳаммаси шунчаки тасодиф эмас!
Мижоз “бу ҳақда нимадир эшитгандан” кейин “бахтли мижоз” бўлгунича максимал тез ва қулай бўлиши учун маркетингга кўпгина қўшимча элементлар қўшиш керак.
Муваффақиятнинг ҳақиқий қоидаси: сиз маркетинг бизнеси билан шуғулланяпсиз.
Тадқиқотлар шуни кўрсатадики… бошиданоқ назария билан шуғулланмасдан ҳақиқий мижозларда тестлаб кўриш керак эди
Презерватив ишлаб чиқарувчи завод сотув максимал юқори бўлиши учун уларнинг ўлчамлари қандай бўлиши кераклигини аниқлаш учун иккита маркетинг агентлигини ёллайди.
Бир ҳафтадан кейин биринчи агентлик натижаларни олиб келади. Уларнинг фикрича узунлиги 28 сантиметр ва диаметри 8 сантиметр бўлган презервативлар ишлаб чиқариш керак экан.
Яна бир ҳафтадан кейин иккинчи агентлик ҳам натижаларни олиб келади. Уларнинг айтишича, энг кўп талаб бўлган презервативлар узунлиги 17,2–17,8 сантиметр ва диаметри 4,6–4,9 сантиметр экан.
Завод директори ҳайрон қолади:
– Нимага сизнинг тадқиқотингиз икки баробар кўп вақт олди? Ва нимага сизнинг натижаларингиз ҳамкасбларингизникидан шунча кўп фарқ қилади?
– Натижаларни кўришга рухсат берасизми?.. Хм… Ҳа… Ўйлашимча гап улар сўровнома ўтказишганда, биз эса ўлчаганимизда бўлса керак. Кўпгина компаниялар анча вақт ва пулларини турли тадқиқотлар ўтказишга сарфлашади. Бунинг ўрнига улар мавжуд мижозларда ғояни синаб кўришлари мумкин эди.
Оддий тадбиркорлик саволи
Эксперт комиссиясида техника фанлари кандидати бўлган ёш йигит сўзга чиқади лойиҳани тақдим қила бошлайди:
– Биз манави ва манави праметрлари бўйича олдингиларидан яхши бўлган дон қуритгич ишлаб чиқдик. Бу нарса катта агрегатларни қўллаш қийин бўлган кичик фермер хўжаликлари учун жуда керак. Иш 32 та журналда, жумладан 4 та ВАК тан олган журналларда эълон қилинган. Қишлоқ хўжалик вазирлиги ушбу лойиҳани маъқуллаган. Ушбу соҳадаги олтита фан докторлари унга ижобий тақриз беришган.
Шунда залда ўтирган тадбиркор шундай савол беради:
– Олтита фан докторидан тақриз олганингиз яхши. Лекин, сиз ҳеч бўлмаса, олтита фермердан уларга бундай қурилма кераклиги, уларга баҳоси тўғри келиши, сотиб олишлари тўғрисида сўрадингизми?
Кандидат нима ҳақида гап кетаётганинин ҳам тушунмайди:
– Қишлоқ хўжалиги вазирининг бу соҳада тажрибаси катта ва у бу жуда ажойиб ихтиро деб айтди.
– Рахмат, бошқа саволим йўқ.
Муваффақиятнинг ҳақиқий қоидаси: Назария иш бермайди, Амалиёт ва Тестлашгина иш беради.