Муваффақиятга эриша олишингизга ишонинг
Муваффақиятга эриша олишингизга ишонинг Бирор муваффақиятга эришиш учун шундай муваффақият борлигига ишонишингиз лозим. Бу сўз бир муҳрдай янграяпти, тўғрими? Аммо бир тўхтаб ўйлаб олинг ва нимадан бошлашингиз мумкин? Сизнинг ҳаётий тажрибангиз сизнинг ишончингиз билан белгиланади — бошқа йўлнинг ўзи йўқ. Олдин нималарга ишонганингизнинг фарқи йўқ — сиз ўз ишончингизни ва ҳаётингизни ўзгартиришингиз мумкин. Муваффақият чуқур ишончсиз амалга ошмайди. Визга кўпинча қуруқ орзуларга вақт сарфламанг, биз реалист бўлишимиз керак, нимани истасак, ҳаммасига эта чиқа олмаймиз, дейишади.
Биз шунга ўхшаш сўзларни эшитиб, бойлик чиндан ҳам ҳаммага насиб қилавермайди, деб ишониб борамиз. Муваффақият биз бормаган, танланганлар учунгина таклиф қилинган ўтиришда бериладиган нарсадай туюлади. Аммо бу — нотўғри? Агар муваффақият ва гуллаб-яшнаш — танланганлар учун клуб бўлса, бундай фикрни мияларига жойлаб олганлар учун бу клубга кириш охирги пайтларда ҳам қийин бўлади. Ҳар қандай ишда гуллаб-яшнаган одам ўз ҳаётининг қайсидир вақтида «Қачондир муваффақиятга эришаман!» деб бир марта бўлса-да, хаёлидан ўтказган ва ишонган. Бизнинг муваффақият борасидаги тушунчамиз миямизда чуқур илдиз отган бўлиб, омадга эришишдан олдин бу қарашларимизни ўзгартиришимиз лозим. Ўз ички дунёингизни ковлаштиринг, ўз ишончингизни ўрганинг, улар сизнинг ҳаётингизга қандай таъсир қилаётганини текширинг ва ўрганинг.
Айнан кўпчилик одамларнингдунёқарашлари астойдил ўрганиб чиқилмаганлиги учун муваффақиятга эришишларига халақит беради. Марк Аллен ўзининг «Келажаги порлоқ бизнес» номли китобида бу ғояларни қуйидагича ёзиб изоҳлайди: «Вақти-вақти билан одам ўзи яшаб ўтган ҳаётини бир бошдан кўриб чиқишга вақт ажратиши лозим. Биринчи навбатда ўтган умримизга назар солишимиз керак, унта ҳақиқат кўзи билан қарашимиз ва ҳаётимизни бошқариб келаётган ундаги муҳим воқеаларни топишимиз зарур, шунингдек, уларнинг келиб чиқишига аҳамият қаратишимиз лозим.
Ўша ўтган воқеалар бизнинг ишончимизни оширган бўлиши мумкин ҳамда уларни ёдга олишимиз, ичимизга сингдиришимиз ва қўллашимиз ҳам керак. Ҳар биримизнинг ҳаётимизда потенциалимизга қараган, у ёки бу кўринишда бизни қўллаб-қувватлаган одатлар бўлган. Ҳар биримизнинг ёшлигимизда ўз иккиланишларимизни, ишончсизлигимизни, ғуруримизни енгиб турадиган кучимиз бўлган. Вақти-вақти билан бу нарсалар ҳақида фикрлашимиз керак.
Ҳаётимиздаги ёмон кунларни ҳам ёддан чиқармаслигимиз ва ўша кунларни қайтармаслик учун уларни эслаб туришимиз лозим. Ўша нохуш воқеалар, одатлар ёдга олинса, улардан қутилиш осон кечади. Ўзлигимизни англаш жараёнларини ўрганиб чиқар эканмиз, бизни ҳаётга, тақдиримиз сари йўллайдиган кучни ҳис қила бошлаймиз ва бу кучга таъсир кўрсатишни ўрганамиз, ўз ҳаётимизни бошқара олишни ҳам билиб оламиз».
Сизни муваффақиятга бўлган қарашларингиз қандай? Фикрларингизни астойдил тафтиш қилишдан қўрқманг; балки шунда сиз муваффақият йўлида қанчалар баланд тўсиқларни енгиб ўтганингизни кўрарсиз. Агар сиз буни тушуниб етсангиз, ўз олдингиздан чиқадиган ҳар қандай тўсиқларни енгиб ўта олишингизга ишонасиз, хаёп’4чгизга келмаган даражада ҳаётнинг ҳар бир жабҳасида бундай тўсиқларни осонликча енга оласиз. Ҳар куни ўнлаб ёқимли имкониятлар олдингизда очилади. Ютуқли ғоялар сизнинг миянгизга келади, аммо сиз кўпинча уларни амалга оширишга ҳаракат қилмайсиз. Бу китобда кўтарилган ўз-ўзини руҳлантириш санъати ҳақидаги сўз олтинчи сезгингизнинг ишлаб кетишига, муваффақият сезгисининг пайдо бўлишига ёрдам беради. Сиз бу сифатларга эгадирсиз, аммо ўзингизда борини билмайсиз. Сиз улардан фойдаланишни ўрганишингиз лозим ва буни жуда осонлик билан ўрганиб оласиз.