Сотишни бошқаларга топшириш уаммоси
Кўпчилик бизнес эгаларининг муаммоси қуйидагичадир. Сизнинг ўзингиз яхши ишчи ва сотувчи бўлганлигингиз ҳамда сотаётган нарсангизни яхши билганлигингиз сабабли унга ижобий ҳиссиётларингизни ҳам қўшасиз ва сотилаётган ҳажмнинг ярмидан кўпини ўзингиз бажарасиз. Истаган бир менежер сиздан камида икки баробар камроқ сотади. Шунинг учун тизимли ёндашувни амалга оширишда ўз вазифаларингизни кимгадир беришингизда камида сотув ҳажмининг ярмини йўқотасиз.
Бу шароитдан бирданига бир нечта кишини ёллаш билан чиқиш мумкин. Ёки потенциал мижозларни излаб топиш вазифасини ходимларингизга юклашингиз мумкин. Бунда битимларни ёпишни (сотишни) барибир ўзингиз қилишда давом этаверасиз. Чунки битимни ёпишга бошқа кишини жалб қилиш билан сотув ҳажмининг анчагина қисмини йўқотиш мумкин.
Буни ҳал қилишнинг потенциал мижозларни ҳақиқий мижозларга айлантириш билан шуғулланувчи ходимлар сонини оширишдан бошқа ҳеч қандай йўли йўқдир. Бунда потенциал мижозларнинг сизга (компаниянгизга) мурожаатлари сони ошади. Агар буларнинг ҳаммасини ўзингиз қилишда давом этаверсангиз, бизнесингиздан ҳеч қаерга кета олмайсиз. Бунда ҳар сафар сиз мажбар бўлиб ишга келмай қолсангиз (масалан, касал бўлсангиз) савдо ҳажми камида уч баробар камайиб кетади.
Бизнеснинг эгасига асосланган ҳар қандай бизнесда ҳам ушбу ҳолат аниқ рўй беради. Шундай экан муваффақиятли бизнес шакллантиришнинг асоси – бу янги мижозларни жалб қилиш тизимини яратишдир. Бу ерда тегишли вазифаларни бажарувчи одамлар асосий эмасдир.
Муваффақиятнинг ҳақиқий қоидаси: ўз бизнесингиз ИЧИДА ишлашни тўхтатинг. Унинг УСТИДА ишлашни бошланг.