Biznesda Reklamani rejalashtirish uchun asosiy indikator

Biznes reja

Reklamani rejalashtirish uchun asosiy indikator

 

Kompaniyaning asosiy indikatorlaridan biri – bu lifetime customer value (mijoz butun umri davomida sizning kompaniyangizga keltiradigan pul miqdori). Ushbu miqdorni bilish kerak va mijozni jalb qilish uchun xarajatlarni rejalashtirishda undan kelib chiqish kerak. Agar siz oladiganingizdan kamroq chiqim qiladigan bo‘lsangiz, ushbu usuldan foydalanishingiz mumkin.

Muammo firmada reklama byudjetida pulning bo‘lmay qolishi mumkinligida emas. Balki biznes egasining mijozlarni jalb qilishga qancha pul xarajat qilishi mumkinligini bilmasligidadir. Keyinchalik, mijozning biznesingiz uchun qadrini oshirish yo‘lini topsangiz, uni jalb qilish uchun ko‘proq sarflashingiz ham mumkin bo‘ladi.

Nimaga bu raqam o‘ta muhim? Ko‘pchilik kompaniyalar quyidagicha yondashuvga amal qilishadi: o‘rtacha mijozga birinchi marta qancha miqdorga mahsulot sotishlarini ko‘rishadi. Masalan, bu $100 bo‘lishi mumkin.

Bunda ular ushbu summaning 50% ini mijozlarni jalb qilishga sarflashga tayyorlar. Ular: “Juda ajoyib, mijozdan $100 oladigan bo‘lsak, demak, $50 ni biz uni jalb qilishga sarflashimiz mumkin” deyishadi va bu pulni mijozni jalb qilishning turli usullariga sarflay boshlashadi.                 Agar siz lifetime customer value qancha ekanligini bilsangiz, ko‘rinish umuman boshqacha bo‘ladi. Aytaylik, o‘rtacha mijoz siz bilan hamkorlik qilishning butun davri davomida sizning turli mahsulotlaringizni sotib olishga $500 atrofida sarflaydi. Siz esa uni jalb qilish uchun $50 emas, balki $250 sarflashingiz mumkinligini bilasiz! Xo‘sh, bunda kim o‘zini potentsial mijozlar oldida yaxshiroq ko‘rsata oladi: jalb qilish tizimiga $50 sarflagan kishimi yoki $250 sarflaganmi?

Siz mijozlarni jalb qilishda foydalanadigan har bitta OAV ning o‘z bahosi bor. Jurnallar qimmatga tushadi, veb resurslar va pochta arzonga tushadi.

Har bitta resursning baholar darajasini bilish shart, lekin har qanday holda ham xarajatlarni optimallashtirish va ko‘rpani o‘zingizga tortishga harakat qilmaslik kerak. Chunki siz eng arzon reklama usuliin qidira boshlaganingizda sizdan besh barobar ko‘proq pul to‘lashga tayyor kimdir chiqadi va siz biznesdan uchib ketasiz!

O‘z biznesingizga tashqaridan – investor nazari bilan, kema xo‘jayini nazari bilan qarashni o‘rganing, kapitan nazari bilan emas.

Muvaffaqiyatning haqiqiy qoidasi: pulni bekorga sovurishni to‘xtating.             Foyda keltirmaydigan yoki natijasini siz o‘lchay olmaydigan har qanday reklamadan voz keching.

 

Bizga reklama kerak emas, mijozlar bizni o‘zlari topishadi.                                       (Siz aroq ishlab chiqarishga monopoliya egasi emasmisiz?)

 

Siz hammaga kerak mahsulotlarning eng zo‘r ixtirochisi bo‘lishingiz va shunda ham och qolishingiz mumkin.

Siz oldingizga qo‘yilgan maqsadlarni boshqalarning qo‘li bilan bajarishni qoyillatadigan megasamarali menejer bo‘lishingiz va shu bilan birga oz maosh olishingiz mumkin.

Siz ishni zo‘r tashkil qilganidan atrofda ish qaynaydigan va rivojlanadigan qobiliyatli direktor bo‘lishingiz va shu bilan birga ozgina foyda olishingiz mumkin.

Siz hatto qish kuni eskimoslarga qor sota oladigan professional sotuvchi bo‘lishingiz va shu bilan birgalikda u maoshdan bu maoshgacha yashashingiz mumkin.

Siz mijozlar uchun o‘ta katta qadrga va bahoga ega bo‘lgan tog‘day axborotlar, mahsulotlar va xizmatlar ishlab chiqishingiz va shu bilan birgalikda raqobatchilarga mag‘lub bo‘lishingiz mumkin.

Bu ko‘nikmalarning barchasi sizdan sota olgan istagan narsangizni sizdan sotib olishga tayyor mijozlar navbatini tuza olmasangiz, hech nimaga arzimaydi.

Bunda siz ushbu navbatni tizimli ravishda, regulyar va oldindan aytib bo‘ladigan tarzda, mijozlar keltiradigan puldan ancha kam xarajat qilib qurishingiz kerak. Aynan mana shu sizning texnik xodim, menejer, direktor, sotuvchi va biznesmen sifatidagi bo‘lg‘usi muvaffaqiyatingizning siridir.

Lead generation (potentsial mijozlarni generatsiyalash) ning                                                                                                muhimligini past baholash

Yana bitta xato — lead generationga kam pul sarflashdir. Sizning sotish uchun formulangiz bo‘lsa, keyingi qadamingiz – pullarni lead generationga sarflashdir.

Sizning vazifangiz – voronka orqali odamlarning maksimal sonini o‘tkazishdir.

Uchta sotish qoidasi degan qoida mavjud. Kimdir sizdan bir marta sotib olsa – bu yaxshi, lekin u uch marta sotib olsa, bundan keyin ham yana va yana sotib olishda davom etaveradi.

 

Оцените статью
HAQIDA
Добавить комментарий
Яндекс.Метрика