Рақобатчилар – бу душманлардир!
(Душманлар билан дўстлик фойда келтириши мумкин)
Кўпчилик бошловчи бизнесменлар ва ҳатто тажрибали бизнесменлар ҳам рақобатчиларни яхши кўришмайди ёки улардан қўрқишади. Ҳақиқатда эса рақобатчилардан шахсий бойиш йўлида фойдаланиш мумкин ва бу керак ҳам. Рақобат дўстлиги (ҳамкорлик) рақобат курашига қараганда анча фойдали. Агар фирмангиз атрофида бошқа рақобатчи фирмалар бўлса, улар билан душманлик қилгандан кўра маълум келишувларга эришишингиз анча фойдалидир.
Кўпчилик соҳаларда мижозларни ўзаро алмашлаш схемаларидан фойдаланилади. Айниқса бу кўчмас мулк соҳада кўпроқ қўлланилади. Агар бирорта фирма билан мижоз орасида келишмовчилик пайдо бўлса (бошқарувчи ёқмай қолган), мижозни рақобатчи фирмага маълум комиссион мукофот эвазига берилади.
Сиз билан ҳамма соҳада рақобат қилмайдиган фирмалар билан ҳамкорлик қилиш янада фойдалироқдир. Сизнинг мижозларингиз сизнинг маҳсулотларингизга қўшимча равишда яна нималар сотиб олишларини
аниқланг. Масалан, сиз мижозингизга сантехника молларини сотсангиз, уларга уйни таъмирлаш ва қурилиш билан боғлиқ бошқа нарсалар ҳам керак бўлиши мумкин. Улар шундоғам уларни сотиб олишади. Нимага энди бундан фойдаланмаслик керак? Бунинг устига сиз ушбу мижозга ҳам ёрдам берасиз, чунки битта етказиб берувчи билан ишлаш анча қулайдир.
Сиз бошқа компанияларнинг маҳсулотларини (жумладан сизда йўқ маҳсулотларни сотувчи рақобатчиларингизнинг маҳсулотларини ҳам) маълум комиссия эвазига сотасиз, маҳсулотни етказиб бериш ва сервис хизматни уларнинг ўзлари кўрсатишади.
Ҳудди шунингдек маълум фоиз эвазига сиз ўзингизнинг маҳсулотларингизни ҳам уларга таклиф қилишингиз мумкин. Юқоридаги сантехникани яна мисол келтирсак, уйларнинг таъмири, мебель ишлаб чиқариш ва бошқа таъмирга оид маҳсулотлар ишлаб чиқарувчи компанияларга ўз маҳсулотларингизни сотишни таклиф қилишингиз мумкин. Бу, биринчидан, сизнинг сотиш ҳажмингизни оширади – чунки ҳамкорингиз сизнинг маҳсулотларингизни ҳам сота бошлайди, иккинчидан, ҳамкорингизнинг маҳсулотларини сотишингиздан даромадингиз ошади, учинчидан, сизнинг мижозларингиз базасининг ошишига олиб келади. Қолган фойда олиш йўлларини айтиб ўтиришнинг ҳожати бўлмаса керак? Ҳамкорлик, жумладан рақобатчилар билан, сотувнинг жиддий ошишига олиб келиши мумкин. Бу билан сиз ҳамкорларингизнинг мижозлари ҳисобига ўзингизнинг потенциал мижозларингиз сонини оширасиз, ҳамкорларингизнинг моллари ҳисобига таклиф қилинаётган маҳсулотлар ва хизматлар ассортиментини оширасиз. Ушбу ёндашувни ақл билан амалга оширишингиз ҳисобига сотув ҳажмини 20-30% га ошириш мумкин.
Рақобатчиларда пул ишлаш керак
Мижозлар ва рақобатчилар билан жанг қилиш эмас, уларда пул ишлаш керак. Ҳудди шунингдек уларга сизнинг ёрдамингизда пул ишлаб олишларига ҳам имкон бериш керак.
Агар сиз бошқа одамларга сизда пул ишлашларига имкон берсангиз, улар сизнинг 10% ингизни хурсанд бўлиб олиб келиб беришади. Яъни мижозларнинг даромадининг ошиши устида ишлаш керак бўлади.
Ўз вақтида Уолт Дисней шундай деган экан: “Менинг қилган ишлари ичида энг муҳими – атрофимдаги одамларнинг талантларини бирор мақсадга эришиш учун йўналтирганимдир”.
Агар сиз рақобатчингиз ёки мижозингизга сизда анчагина пул ишлаб олишига ва сизнинг кассангизга фойданинг бир қисмини комиссия тарзида топширишига имкон яратсангиз, жуда ажойиб бўлади! Бозор кенгаяди, сиз экспертга айланасиз ва одамлар сизга томон талпина бошлайди. Бундан фойқат фойда оласиз, зарар кўрмайсиз!
Бу ерда биттагина минус бўлиши мумкин – бу ҳам бўлса “Улар менда пул ишлашяпти, бу пулларни менинг ўзим олишим мумкин эди” деган фикрингиздир. Бу эса сизнинг ишингиз орқага кетишининг бошланишидир. Агар бундай фикрлар пайдо бўлса, билингки, сиз бошқа томонга кетяпсиз. Муваффақиятнинг ҳақиқий қоидаси: рақобатчилардан қўрқишни тўхтатинг, уларда потенциал ҳамкорларни кўришни бошланг.