Бизнесда Катта компанияларнинг фарқи

Biznes reja

Катта компанияларнинг фарқи

Катта компанияларда қилинаётган ишлар кичик корхоналарда иш бермайди. Буни сиз рекламангиздан келадиган тескари алоқадан билиб олишингиз мумкин.
Катта компаниялар берадиган бренд рекламаси жуда кам бизнесларда иш беради ва бу қаторга кичик ва ўрта бизнес субъектлари кирмайди. Катта компанияларнинг ишлатган усулларини кўр-кўрона кўчириб олиш кичик корхонани ўлдиради.
Мижоз ўзида дастурлаштирилган ҳиссиётларга асосланиб сотиб олишга қарор қабул қилади. Катта корхоналар барча газеталар, журналлар, кўчалар, телевидениени ўз рекламаси билан тўлдириб ташлаш билан ушбу дастурлашни амалга оширишади. Лекин сизда аста-секин, кетма-кетлик билан ва катта масштабда мижозларингизнинг онгига ўз брендингизни тиқиштириш учун пулингиз етмай қолиши аниқ.
Бундан ташқари йирик компанияларнинг сизга айтишмайдиган ўзларининг бошқа мақсадлари ҳам бўлади. Масалан, компания катта миқдордаги акцияларини сотмоқчи, уни кимдир сотиб олмоқчи, ёки унинг

ўзи қайсидир компанияни қўшиб олмоқчи, у ўзининг муваффақияти ва имижини реклама қилиши керак бўлади. Бундай рекламага тиқилган пулларни        қайтариб олиш керак бўлмайди. Асосийси рекламанинг мавжудлиги. Чунки у мижозларга эмас, инвесторларга мўлжалланган.
Бошқа мисол: тарихдан Wal-Mart компаниясининг штаб-квартираси унинг эгаси туғилган кичик шаҳарчада жойлашган. Ушбу шаҳарда ташқи рекламанинг нархлари Нью-Йоркдаги нархлардан анчагина баланд. Бу сотиб олиш бўйича менежер уйига бораётиб, рекламани кўриши ва ўзининг барча магазинлари учун ушбу маҳсулотларни сотиб олиши мумкин бўлганлигидан келиб чиққан.
Реклама агентликлари қурбонлари
Реклама қурбони бўлиш жуда осон. Кунлардан бирида сизнинг офисингизга Ойдаги реклама майдонларини сотиш бўйича агент келади. У сизга уларнинг супер-мега реклама майдонларига бутун йиллик реклама бюджетингизни тиқиб, тезда жуда катта пул ишлаб олишингизни айта бошлайди.
Сиз ўзингизнинг рекламага ажратилган пулларингизни қаерда ва ким эканлигини билмайдиган аудиторияга сарфлаганингиздан кейин қуйидагича тушунтиришларни олишингиз мумкин:
– “бозор нимагадир сизнинг маҳсулотингизга бошқача реакция билдирди”;
– Компаниянинг бренди ва имижи бундай тез яратилмайди”;
– “бошқа ҳамманинг натижалари осмонда – фақат сиз ва сизнинг маҳсулотингизда бундай паст натижалар олиняпти. Демак муаммо кир ювиш кукунингизни ойдаги бошоёқлиларга кўрсатилганда эмас, маҳсулотингизда”.      Ўзининг самаралилигининг аниқ ўлчанган натижаларини кўрсата олмайдиган ҳар битта реклама агентлиги сизга брендингиз потенциал мижозларингизнинг бошига мустаҳкам ўрнаиб олганлиги ҳақидаги эртакни айта бошлайди. Улар энди кир ювиш порошоги керак бўлиб қолса айнан сизга қўнғироқ қилишини айтишади. Энди сизни эсдан чиқариб қўймасликлари учун рекламага пул тўлашда давом этаверинг …
Реклама ўзини оқлаши керак. Айнан шунинг учун ҳам биз сизга Direct Response (“тўғридан-тўғри жавоб”) дан бошқа турдаги реклама билан шуғулланмасликни тавсия қиламиз. Албатта реклама бепул бўлмаса.

Оцените статью
HAQIDA
Добавить комментарий
Яндекс.Метрика