Қандай қилиб кучли ва турғун бизнес қуриш умкин?
Агар сиз ўзингизнинг ҳаёт тарзингизни қўллаб-қувватлайдиган, эркин (банд) вақтингизни еб қўймайдиган, жиддий бизнес яратмоқчи бўлсангиз – унда сиз учун қувончли хабар бор: бунинг иложи бор, лекин айрим ўзига хосликлар билан…
Бу осон бўлмайди. Балки оддий бўлиши мумкин, лекин ҳеч қачон осон бўлмайди.
Бу тушунарсиз бўлади. Айрим вақтларда эса нимага иш билан шуғулланмасдан бўлар-бўлмас ишлар билан шуғулланаётганлигингизга умуман тушунишингизнинг иложи бўлмайди.
Бу чиройли кўринмайди. Ташқаридан қараганда сиз энг ифлос ишни қилаётгандай кўринасиз.
Бу ҳатто сезиларли ҳам бўлмайди (натижаси). Кўпчилик ҳолларда аниқ ҳаракатларингизнинг натижасини бир неча ойлаб кутишингизга ўғри келади. Бу оғриқли бўлади. Сиз ўз характерингизни синдиришингиз ва қайтадан қуришингиз керак бўлади. Бу эса кўпинча ўта оғриқли ва ёқимсиз бўлади.
Буни бошқа бировга юклай олмайсиз. Бу ишни сиз учун ҳеч ким қилмайди. Ҳар қанча пул берсангиз ҳам.
Бу ҳатто ҳалол ва одил ҳам бўлмайди. Кўпинча сиз шунчаки бизнесингиз озгина жилиши учунгина тиним билмай ишлашингиз керак бўлади.
Кўпинча сиз ходимларингиз учун ишлашингиз ёки уларнинг қилган ишларини тўғрилашингиз ёки қайтадан қилишингизга тўғри келади. Ҳа, айнан сиз ишни тўғри қилишлари учун маош тўлайдиган ходимларингизнинг ишини сиз қилишингиз керак бўлади.
Мижозларингиз ҳамиша сизга кам тўлашади. Бунинг устига улар сиздан тўлаганларига нисбатан кўпроқ нарса ола олганларидан мағрурланишади ҳам. Бу эса сиз учун улар лойиқ бўлганингиздан анчагина кам тўлаётганлигини билдиради. Жуда кам тўлашади.
Ҳамма сиздан ниманидир талаб қилишади. Мижозлар – маҳсулот, яхши баҳо ва сервисни. Етказиб берувчилар – олдиндан тўловни, истаган вақтларида етказиб бериш (иложи бўлса ўзлари истаган сифатда) эркинлигини. Ходимлар – эркин иш графиги ва “ўзларига мос” маошни. Бу маош бозордаги ўртача маошдан анча кўп бўлиши керак. Бу маош учун улар керагича ишлашни исташмайди ҳам…
Бу рўйхатни яна давом эттиравериш мумкин. Бу ҳар куни содир бўлади. Узоқ вақт давомида. Лекин бунинг натижасида сиз бошқа бирор йўл билан ола олмайдиган нарсангизни қўлга киритасиз.
Натижа берувчи ва кучайган бизнес, тажриба ва бебаҳо хатолар, ўзингиз ва мижозларингизнинг бизнесини чуқур билишингиз, ўзингизга рухсат бера оладиган бўлган янги “ўйинчоқлар” ва бошқалардан ташқари сиз ўзингизнинг кучли ўзгарганлигингизни ва ақлли бўлганлигингизни сезасиз.