Бизнесда Ҳеч қачон танқидни ўзингизга олманг

Biznes reja

                Ҳеч қачон танқидни ўзингизга олманг

Узоқ вақт давомида Клинт Иствуд киностудияларда кастингдан ўта олмаган. Унга ҳамма: “Ҳаддан ташқари бадбашара” деб жавоб беришган. Лекин у кинобизнесга бир амаллаб кириб олганидан кейин тушган ўнлаган фильмлари томошабин бундай деб ўйламаслигини кўрсатди.
Фрэнк Синатра овоз ёзиш студиясига миллионлаган доллар ишлаб берганидан кейин “Вақти ўтди” деган тақриз билан ишдан бўшатилган. Лекин бу Синатрага яна концертлар бериш ва музика басталашдан тўхташига, маълум вақтдан кейин яна №1 даражали юлдуз бўлишига қаршилик қила олмаган. У ўзининг ишдан бўшатилишидан кейин ҳам узоқ йиллар чўққини эгаллаб турган.
Марк Виктор Хансен ва Джек Кенфилд ўзларининг “Chicken Soup for the Soul” (“Қалб учун товуқ бульони”) деган китоби учун барча нашриётлардан рад жавоби олишган. Бугунги кунда ушбу китобнинг тиражи 100 миллиондан ошиб кетган ва у Гиннеснинг рекордлар китобига киритилган.
Китоб магазинларида ҳали ҳам “Сир” фильми ва китобини танқид қилувчи китобларни кўриб қолишингиз мумкин. Лекин бу китобларнинг ҳаммасинининг тиражини қўшиб чиқсангиз ҳам “Сир”нинг дастлабки икки кундаги сотувидан камдир.
Норка ёғидан косметика маҳсулотлари ишлаб чиқариш компанияси хўжайини Глен Тёрнер ўз харидорларига мукофот тарзида ўнлаган норка шубаларни тақдим қилган. Унинг шундай гаплари бор: “Агар аёл умрида норка шубани киймаслигини, у норкани ёмон кўришини, улар ҳаддан ташқари қиммат эканлигини ва шуба тикиш учун кичкина ҳайвончаларни ўлдиришларини айтса, демак бу унинг шу пайтгача бирорта ҳам норка шубаси йўқлигини билдиради”.
Одамлар ҳамиша ола олмайдиган нарсаларини танқид қилишади. Улар буни исташади, лекин ола олишмайди. Танқид уларнинг ўз қўрқувларини ўлдиришларининг энг оддий усулидир. Жуда бўлмаганда бу бир неча дақиқа иш беради. Кўпчилик ҳолларда “ҳалол” танқиднинг орқасида кўролмаслик, ҳасад, қониқмаслик ётади.
Ҳаётда муваффақиятга эришиш учун танқидга бўлган ички муносабатни ўзгартириш керак. Ден Кеннедининг айтишича агар у тушгача бировдан жаҳл билан ёзилган бирорта хат олмаса, демак нимадир нотўғри кетаётган бўлади. Бу унинг ўз бизнесини олға силжитиш бўйича етарлича кучли ишламаётганлигини билдиради.
Одамнинг ўзининг қониқмаслик ҳолатини ўзгартиришнинг фақат икки усули мавжуд: ўзининг юқориги чегарасини кўтариш ва одатдан ташқари нарсага эришиш ёки танқид қилиб, йўққа чиқариш. Иккинчисини қилиш анчагина оддий ва тез бўлади.

Афсуски, бу ривожланишнинг боши берк кўчасига киришдир. Ҳатто танқидчи нимададир ҳақ бўлса ҳам. Агар у тўлиқ ҳақ бўлса, бундан ҳам баттар.
Энг мураккаби – бу ноадекват танқид оқими яқин қариндошларингиз томонидан ёғдирилса бўлади. Ҳаётингизнинг энг оғир дамларида, бутун дунё сизга ҳар томондан босим ўтказаётган пайтда сизнинг доим олға босишингиз анча қийин бўлади. Айрим ҳолларда, ҳатто, эшитишга ҳам холингиз қолмайди. Фақат бош силкиб: “Тушундим” дейишингиз мумкин. Лекин барибир ўз мақсадингиз томон ҳаракатланаверишингиз керак.
Сизнинг пулларингиз миқдори сизнинг ташқи босимни кўтара олиш даражангизга мос равишда ортади.
Ҳар томондан берилаётган босимга чидаш бера оладиганларда эмас, балки ундан қўрқмайдиган ва ўзига қабул қила оладиганларга омад кулиб боқади. Натижалар учун масъулиятни ҳам ўзингизга олишингиз керак бўлади. Барчасини!
Аслида танқид – жуда муҳим нарса. Лекин ҳамма танқид ҳам фойдали эмас. Ҳамма одамнинг танқиди ҳам фойдали эмас. Фақат жуда кичик гуруҳдаги одамларнинггина танқиди фойдалидир. Бу одамлар сизнинг устозларингиз, тренерларингиз ва аллақачон сиз бормоқчи бўлган жойда турганларнинг танқидига эътибор қаратинг.
Ҳеч қачон танқидни юрагингизга яқин олманг. Кўпчилик ҳоларда унинг сиз билан умумий томони умуман йўқ. Сиз шунчаки тасодифан шу жойда шу вақтда бўлиб қолгансиз. Агар сизни кўришмаганда профессионал танқидчилар машқ қилиш учун бошқа нишонни топишган бўлишарди.     Танқид кўпинча у йўналтирилган одамнинг эмас, кўпроқ танқидчининг муаммоларини кўрсатиб беради.
Ўз танқидчиларингизни кечиринг. Улар ўзларининг комплекслари билан курашишнинг бошқа, самаралироқ йўлини билишмайди. Уларга сизга сарфлаган вақтлари учун рахмат айтинг ва ўз йўлингизда давом этаверинг!                 Муваффақиятнинг ҳақиқий қоидаси: катта пулларга олиб борадиган йўл танқид олови орасидан ўтади. Унга чидай олсангиз – олға!
Буддани хафа қилмоқчи бўлганлар ҳақида
 
Будда қишлоқнинг ёнидан ўтиб борар эди. Унинг атрофига йиғилган одамлар унга ҳақорат ёғдира бошлашади. Уни ҳар хил сўкишлар билан сўкишади. Будда индамасдан уларнинг барча ҳақоратларини эшитиб туради ва дейди:
– Мен билан учрашувга келганингиз учун рахмат, лекин мен шошиляпман. Мен кейинги қишлоққа кетишим керак, у ерда мени кутишяпти. Бугун мен сизга кўпроқ вақт ажрата олмайман, лекин эртага орқага қайтишимда яна биз мулоқот қилишимиз мумкин. Эртага яна

йиғилишингиз ва бугун айтишга улгурмаганларингизни айтишингиз мумкин. Ҳозир эса кечирасиз, мен кетишим керак.
Деҳқонлар ўз қулоқларига ишонмай қолишибди: бу одам хотиржамлигини умуман йўқотмабди. Кимдир чидай олмасдан, дебди: – Нима кармисан? Биз сени ўзимиз билаган барча сўзлар билан ҳақоратлаяпсиз, сен эса ҳеч нарса демайсанми?
Будда жавоб берди:
– Агар мендан жавоб эшитмоқчи бўлсангиз, жуда кеч келдингиз. 10 йил олдин келганингизда, мен сизга жавоб берардим. Лекин ушбу 10 йил ичида мен провокацияга берилмасликни ўргандим. Мен қул бўлишдан чиқдим ва ўзимнинг хўжайиниимга айландим. Мен ўзим истагандай ҳаракат қиламан, бошқа биров истагандай эмас. Мен ўз қалбим амрига мувофиқ яшайман. Сиз мени менинг иродамга қарши ҳаракат қилишга мажбурлай олмайсиз. Мен сизлардан хафа эмасман. Яхши ишлаганингиздан хурсанд бўлишингиз мумкин. Шахсан мен сизнинг ҳақоратларингизни қабул қилмайман. Уларни қабул қилмас эканман, улар шунчаки товуш бўлиб қолаверади. Ёниб турган машъалани дарёга ташланг. У сувга теккунича ёнади. У сувга тегиши билан сув уни ўчиради. Мен дарёга айландим. Сиз менга ҳақорат ёғдиряпсиз. Улар оловга тўла, лекин улар менга тегиши билан менинг совуғимдан ўчиб қолади. Ҳақоратлар энди мени куйдира олмайди. Сиз менга тикан отсангиз, улар менинг тинчлигимга чўкади ва гулга айланади. Мен юрагимнинг амрига амал қиламан.
Ошо. Ҳаёт сирлари

Оцените статью
HAQIDA
Добавить комментарий
Яндекс.Метрика