Атрофдагиларнинг фикрига қулоқ солинг.
(Тезда сиз ҳам улар турган жойда бўласиз!)
Сиз маслаҳатларга қандай муносабатдасиз? Бу ерда профессионалларнинг ёки бирор соҳада авторитет бўлган одамларнинг маслаҳатлари ҳақида гап кетаётгани йўқ. Биз эрталабдан-кечгача диванда ўтириб олиб телевизор кўрувчилар ҳақида гапиряпмиз. Бу одамлар сиз қандай яшашингиз кераклиги, нима қилишингиз, бизнесни ва ходимларингизни қандай бошқариш кераклиги, нимани сотиб олиш ва ким билан иш олиб бориш кераклигини яхши билишади. Одатда, уларнинг маслаҳатлари нимани қилмаслик кераклиги ҳақида бўлади. Агар бу маслаҳатларни умумлаштирсангиз, умуман ҳеч нима қилмаслик керак бўлиб чиқади.
Бизнесда ушбу одамлар сизнинг бирорта янги лойиҳани бошламаслигингиз кераклиги, барибир у иш бермаслиги ҳақидаги миллионта сабабни билишади. Чунки солиқлар катта, амалдорлар очкўз, рақобат кучли, умуман олганда – бу ҳеч кимга керак эмас.
Ҳудди шунингдек улар сизга ҳар битта спорт турининг хавфли томонларини санаб беришади ва айнан нима учун у билан шуғулланмаслик кераклигини ҳам айтишади. Уларнинг маслаҳатига амал қилсангиз, ҳатто шахмат билан ҳам шуғулланиш мумкин эмас, чунки бу ақлий зўриқишдир. Умрида ойига $200 дан ортиқ пул ишлаб топиб кўрмаган бундай кишилар нима сабабдан сиз ойига ҳеч қанақасига ҳам $10 000 ишлаб топа олмаслигингизни тушунтириб қўйишади. Агар буни қила олсангиз – нимага сизни қамашлари мумкинлигини ҳам тушунтиришади. Бизнинг мамлакатимизда сиз нималарни ҳеч қачон ва ҳеч қанақасига қила олмаслигингизни бир нафасда санаб берадиган берадиган одамларни топиш энг осонидир. Шундай экан уларни эшитиш ва умуман уларга эътибор бериш керакми?
Сизга маслаҳат бераётган одамга қаранг. У муваффақиятли одамми? Унинг ўрнида бўлиб қолишни истармидингиз? Унинг нуқтаи назари уни айнан у ҳозир турган жойга олиб келдику.