Ақлли мижоз– ўзи тушунади.
(Қолган 99% ёнингиздан ўтиб кетади)
Тадбиркорлар ўзларининг мижозларининг зийраклиги даражаси ҳақида оптимизмнинг энг юқори чўққисидан туриб фикрлашади:
– Мижозга яна бир марта телефон қилиб, эслатишнинг нима кераги бор – унинг ўзи маҳсулот қачон кераклигини эслай олади?
– Интернет-магазинда пул тўлаш ёки маҳсулотни қандай қилиб тўғри ишлатиш ҳақида тўлиқ инструкция ёзишнинг нима кераги бор?
– Магазинда мижозлар учун қаерга бориши кераклигини кўрсатадиган стрелкалар чизишнинг нима кераги бор – улар аҳмоқ эмасларку?
– Буюртма тугмасида “Буюртма учун БУ ЕРГА босинг” деб ёзиш керак эмас, бизнинг мижозларимиз ўта замонавий…
Ўз бизнесингизга эътибор қаратинг: қаерда сиз бу шундоғам аниқ, мижоз учун бу масалани ойдинлаштириш керак эмас деган фикрга боргансиз?
Агар сиз ўз компаниянгизда ҳеч қандай ноаниқликлар йўқ ва мижозга ҳаммаси тушунарли деб ўйлайдиган бўлсангиз – сизнинг соҳангиздан узоқ бўлган кишига мижоз сифатида бутун сотиб олиш циклидан ўтишни таклиф қилинг. У ўзи қаерларда тушунмаслик, иккиланиш, ноқулайлик ҳис қилган жойларини сизга айтиб берсин.
Сайтда навигациянинг аниқ эмаслиги, магазинда керакли маҳсулотни қайси бурчакдан қидириш кераклигининг ноаниқлиги, тўлов тизимининг тушунарсизлиги, тескари алоқа марказига киришнинг қийинлиги – буларнинг ҳаммаси аслида майда-чуйдалар эмас. Бундай қадамларнинг ҳар бирида сиз нима қилиш кераклигини билмаган, топа олмаган, бу улар учун мураккаб бўлган ва жонига теккан мижозларнинг маълум қисмини йўқотасиз. Ҳаммаси йиғилганда ушбу кучсиз бўғинлар сизнинг бизнесингизга катта зарар етказади.
Муваффақиятнинг ҳақиқий қоидаси: ҳаммасин имижозлар учун жуда оддий бўлишига эришинг, ақллилик қилманг ва уч синф маълумоти бор ва умрида компьютерни биринчи марта кўриб турган одамга мосланг. Бу сизнинг мижозларингиз сиздан бир неча баробар ақлли бўлсалар ҳам иш беради.